الغاز شعبية جزائرية

bsmlh910

الألغاز الجزائرية
-1- حاجيتك لوكان ماهُما ما جيتك
-2- فاتحة الكلام فيها اسم علام اللي ذكرها غنم و اللي نساها ما يتلام .
-3- أرضنا حطب محراثها قصب كلامها ذهب .
-4- شقفة في التاقة لا تتخم و لا تسرقها سراقة .
-5- قدو قد المهراس و صوتو صوت التراس
-6-طاسة ترن طاسة داخلها لولو و برا نحاسة .
-7- شطبها قصب و ضلوعها حطب و فمها في الجنب يا اهل العجب .
-8- زينا و مبهاها . و بنور زادت ضوات صغير ديما معاها و الكبير سعات .
-9- نقطة سوداء نزلت من السماء عالجوها العلماء و ما لقولهاش دواء .
-10- كلما ذبحتو بكيت عليه .

الحلول





-1-الرجلين .
-2- بسم الله
-3- اللوح الذي يكتب عليه القرآن .
-4-اللسان
-5-الديك
-6- الرمانة
-7- الخيمة
-8- الساعة

-9- الموت
-10- البصل

اقراء ايضا



إكتب تعليقك

يجب أن تسجل دخولك لكتابة تعليق.